उपसभामुखमा भट्टराई र भूषालको उम्मेदवारी

काठमाडौँ । शुक्रबार हुने उपसभामुखको निर्वाचनमा नेकपा (एमाले)ले सांसद विद्या भट्टराईलाई र सत्तारुढ गठबन्धनले पुष्पा भूषाललाई उम्मेदवार बनाएको छ ।
भट्टराईको प्रस्तावकमा शान्ता चौधरी र समथर्कमा कृष्णभक्त पोखरेल हुनुहुन्छ ।
यस्तै, सत्तारुढ गठबन्धनको तर्फबाट उम्मेदवार बनेकी नेपाली कांग्रेसकी सचेतक पुष्पा भुसाल गौतमको प्रस्तावकमा नेकपा(माओवादी केन्द्र)का प्रमुख सचेतक देवप्रसाद गुरुङ र समर्थकमा नेकपा (एकीकृत समाजवादी)का लक्ष्मीकुमारी चौधरी हुनुहुन्छ ।
लामो समयदेखि प्रतिनिधिसभाको उपसभामुख पद रिक्त रहँदै आएको थियो ।