फोनिज युकेकी अध्यक्ष राईलाई पितृशोक

लन्डन । नेपाल आदिवासी जनजाति पत्रकार महासंघ युके शाखाकी अध्यक्ष प्रमिला लाबुङ राईलाई पितृशोक परेको छ ।

लाबुङका पिता बलबहादुर लिम्बू (लावुङ) को ८० वर्षको उमेरमा बुधबार नेपालमा निधन भएको हो ।

पछिल्लो केही समयदेखि अस्वस्थ रहेका स्वर्गीय लावुङको भक्तपुरस्थित मध्यपुर ठिमी अस्पतालमा उपचारको क्रममा निधन भएको हो ।

ईलामको सूर्योदय नगरपालिका समालबुङका स्थायी बासिन्दा लाबुङको श्रीमती, तीन छोरा र पाँच छोरी छन् ।

यसैबीच, स्वर्गीय लावुङको निधनप्रति नेपाल पत्रकार महासंघ बेलायत शाखाले दु:ख व्यक्त गरेको छ । लाबुङ नेपाल पत्रकार महासंघ (एफएनजे) बेलायत शाखाकी उपाध्यक्ष समेत हुन्। शाखाका महासचिव नरेन्द्र बस्नेतले विहीबार एक शोक वक्तव्य जारी गर्दै लावुङको निधनमा शाखाका तर्फबाट दु:ख जनाएका हुन् ।