काठमाडौँ । कोरोना भाइरस कोभिड–१९ बाट आज थप एक जना मृत्यु भएको छ ।
स्वास्थ्य तथा जनसङ्ख्या मन्त्रालयका अनुसार अर्घाखाँची मालारानी गाउँपालिका–४ का ५७ वर्षका पुरुषको कोरोना भाइरसबाट निधन भएको हो ।
गत बुधबार लुम्बिनी अस्पताल बुटवलबाट उपचार गरी घर फर्कने क्रममा कोद्रे खोला नजिक उनको निधन भएको थियो ।
१२ दिनअघि भारतको महाराष्ट्रबाट आई सोही ठाउँको सार्वजनिक आधारभूत माध्यमिक विद्यालयको क्वारेन्टिनमा बसेका बेला स्वासप्रस्वासमा समस्या आएपछि उनलाई अस्पताल लगिएको थियो ।
मन्त्रालयका अनुसार उनकाे मृत्युपछि प्रादेशिक प्रयोगशालामा गरिएको परीक्षणका क्रममा हिजो कोभिड–१९ को सङ्क्रमण पुष्टी भएको थियो ।
योसँगै कोभिड–१९ बाट नेपालमा मृत्यु हुनेको सङ्ख्या १६ पुगेको छ ।
