नेपालमा कोरोना संक्रमितको संख्या १ हजार ४००

काठमाडौं । पछिल्लो समयमा गरिएको कोरोना परीक्षणमा थप १८९ जनामा कोरोना संक्रमण पुष्टि भएको छ । यससँगै कोरोना संक्रमितको संख्या १ हजार ४०१ पुगेको छ ।

स्वास्थ्य तथा जनसंख्या मन्त्रालयका प्रवक्ता डा. विकास देवकोटाले आज आयोजित पत्रकार सम्मेलनमा सो जानकारी दिए ।

संक्रमित हुनेमा पुरुष एकहजार २८८ र महिला ११३ छन् ।

पछिल्लो समयमा पोजिटिभ देखिनेमा कपिलवस्तु ११४, धनुषा ७, झापा १, ललितपुर १, महोत्तरी ४, रौतहट ६, सर्लाही १७, सिराहा ११, सप्तरी ९, दाङ ५, दैलेख १४, पर्सा २, बारा १ र संखुवासभाका २ जना छन् । अहिलेसम्म ५३ जिल्लामा संक्रमण पुगेको छ ।

त्यसैगरी, कोरोना संक्रमणबाट निको भई थप १३ जना डिस्चार्ज भएका छन् । योसँगै निको भएर डिस्चार्ज हुनेको संख्या २१९ पुगेको छ ।

अहिलेसम्ममा प्रदेश १ मा १६०, प्रदेश २ मा ५४७, बाग्मती प्रदेशमा ४५, गण्डकीमा २०, प्रदेश ५ मा ५४७, कर्णालीमा ६१ र सुदूरपश्चिममा २१ जना संक्रमित भएका छन् ।