नेपालमा चार जनाले कोरोनाबाट ज्यान गुमाए

काठमाडौँ । नेपालमा कोरोना भाइरसका कारण मृत्यु हुनेको सङ्ख्या चार पुगेको छ ।

नेपालमा भाइरसको सङ्क्रमणबाट चारजनाको मृत्यु भएको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. विकास देवकोटाले जानकारी दिए । मृत्यु भएर दाहसंस्कारसमेत गरिसकिएका ७० वर्षीय वृद्धमा कोरोना पोजिटिभ फेला परेकाे हाे ।

पछिल्लाे परीक्षणमा सोमबार थप सात जनामा कोरोना सङ्क्रमण पुष्टि भएको छ । यससँगै नेपालमा सङ्क्रमित सङ्ख्या ६८२ पुगेको स्वास्थ्य तथा जनसङ्ख्या मन्त्रालयले जनाएको छ ।

यसैगरी मन्त्रालयका प्रवक्ता डा. देवकोटाका अनुसार भाइरसको संक्रमणबाट निको भएकहरुको संख्या ११२ पुगेको छ ।