विश्व साहित्य मन्च स्वीण्डन शाखाको दोस्रो कार्यक्रम

लन्डन । विश्व साहित्य मन्च स्वीण्डन शाखाको दोस्रो कार्यक्रम याक द हिमालय रेस्टुरेन्टमा सम्पन्न भएको छ । मन्चका केन्द्रीय महासचिव केदार संकेतको प्रमुख आतिथ्यमा सम्पन्न उक्त कार्यक्रम अध्यक्ष लालसुन्दर राईको सभापतित्वमा भएको थियो ।

मन्चकी महासचिव जानु काम्बाङद्वारा सञ्चालन गरिएको सो कार्यक्रममा उपाध्यक्ष भरत लोहोरुङ राईले स्वागत मन्तब्य दिएका थिए । उपाध्यक्ष चन्द्रकला लिम्बुले ‘सुस्काई रहेको छ’ शीर्षकको कविता वाचन गरिन् भने कोषाध्यक्ष नानु रानाले ‘अंग्रेजी निजी स्कुल’ र ‘औचित्यहिन युद्ध लडें’ शीर्षकको कविता वाचन गरिन् ।

अध्यक्ष राईले ‘जिन्दगी ढुकाई रहेछ’ र ‘जिन्दगी सपना भई हेर’, सदस्य जय तामाङले ‘येशूको जन्म’ र ‘मुक्ति’ शीर्षकको कविता अनि केन्द्रीय महासचिव सँकेतले ‘तिमी हराए पछि’, ‘चौभार’ र ‘म मृत्यु कुरेर बस्दा’, ‘जूनको प्रकाशमा’ शीर्षकको कविता वाचन गरेका थिए ।

उपाध्यक्ष भरत राईले सेमन्त राई र उनकी धर्मपत्नी रीता राईले पठाएको मुक्तक र आफ्नै रचनामा डा. महावीर पुनको बारेमा लेखिएको मुक्तक अनि जानु काम्वाङले कल्पनाको उनी, फर्कि आएन परदेशी, ताराहरु, बाबा शीर्षक गरी दुई दर्जन कविता र मुक्तकहरु सुनाउंदा उक्त कार्यक्रम साहित्यमय भएको थियो ।

कार्यक्रमको अन्तमा प्रमुख अतिथी संकेतले कविताहरुको समीक्षा गरेका थिए । कार्यक्रम समापनपछि भरत राईको बांसुरीको धून, जानु काम्वाङको बिनायो र मुर्चुङ्गाले कार्यक्रममा झन् रौनक थपेको थियो ।