क्याट यूकेको एक कार्यकालमा तीन वटा च्यारिटी

लन्डन । चितवन एड ट्रस्ट (क्याट) यूकेले एक कार्यकालभित्र तीन वटा च्यारिटी गर्ने महत्वकांक्षी योजना अघि सारेको छ ।

गत आइतबार ह्यारोमा अध्यक्ष जीवन सेनको अध्यक्षतामा बसेको बैठकले मानवसेवा आश्रम, गौतम बुद्ध अन्तर्राष्ट्रिय क्रिकेट रंगशाला र एक करोड अक्षय कोषलाई रकम थप गर्दै जाने गरि च्यारिटीको महत्वकांक्षी योजना अघि सारेको हो । त्यस बाहेक क्याट यूकेले अपांग मैत्री पुस्तकालय निर्माणको योजना अघि सारेको छ ।

नेपाल सरकारले अघि सारेको ‘भिजिट नेपाल २०२०’ लाई सहयोग गर्न ‘वाक फर नेपाल’ भनेर साउथ इस्ट लन्डनमा नेपाल भ्रमण गर्न प्रेरित गर्ने ‘प्ले कार्ड’ र सामग्रीसहित पद यात्रा गर्न लागेको अध्यक्ष सेनले बताए । 

महासचिव टिएन रिजालले संचालन गरेको कार्यक्रममा मनोनित सल्लाहकारहरुलाई क्याट नेपालका संस्थापक अध्यक्ष, पूर्व अध्यक्षहरुले सम्मानसहित प्रमाण पत्र वितरण गरेका थिए ।

क्याट यूके उपाध्यक्ष पार्वती पाण्डेले कार्यक्रममा उपस्थितलाई स्वागत गरेकी थिइन् । क्याटका आजिवन सदस्य रहेका एनआरएनए यूके उपाध्यक्ष सुनिलबावु खड्का र इंग्याण्ड राज्यपरिषद कोषाध्यक्ष ध्रुवहरी बास्कोटालाई क्याट अध्यक्ष सेनले सम्मान गरेका थिए ।