लन्डन । प्रधानमन्त्री केपी शर्मा ओलीले आफ्नो तीन दिने बेलायत भ्रमण उपलब्धिमुलक भएको बताएका छन् । भ्रमणको अन्तिम दिन आफ्नो सम्मानमा दूतावासमा आयोजित रिसेप्सनमा ओलीले भने, ‘समकक्षी टेरेजा मेसहित ब्रिगेड अफ गोर्खाज मुख्यालय, विभिन्न सांसद र अन्य वरिष्ठ राजनीतिज्ञहरुसंगको भेटले सबैभन्दा पुरानो कुटनीतिक सम्बन्ध भएको मुलुकसंगको सम्बन्ध थप प्रगाढ बनेको छ ।’
ओलीले मंगलबार समकक्षी मे, प्रिन्स हयारी, प्रमुख प्रतिपक्षी दल लेबर नेता जेरेमी कोर्बिन लगायत नेता, व्यापारी र गोर्खा समुदालाई भेटेका थिए ।
१७ वर्षपछि नेपालका प्रधानमन्त्री बेलायत आएपनि बेलायती प्रधानमन्त्रीले राजिनामा दिएकाले कुनै सम्झौता भएन ।
ओलीले बेलायत नेपाल दुई शताब्दी भन्दा लामो कुटनीतिक सम्बन्ध भएको स्मरण गर्दै उच्चस्तरिय भ्रमण श्रृंखला निरन्तर बनाउन पनि आग्रह गरेका थिए । बेलायत नेपाल सम्बन्ध बहुआयामिक र विभिन्न कोणबाट अगाढि बढेको स्मरण गर्दै प्रधानमन्त्री ओलीले अप्ठेरो परिस्थितिमा बेलायतको सहयोग निरन्तर प्राप्त भएको पनि जनाए । बेलायतको सहयोग नेपालको लोकतन्त्र र समृद्धि संस्थागत गर्न कोशेढुङ्गा भएको उनले बताए।
विदेशी र नेपाली गरि झण्डै पांचसय माझ उनले गोर्खाहरु बेलायत नेपाल सम्बन्धको प्रमुख कडी भएको उनले बताए ।
‘नेपाली वीर छन् भन्ने कुरा सबैभन्दा पहिला बेलायतले थाहा पायो’, मजाक गर्दै प्रधानमन्त्री ओलीले थपे, ‘गोर्खाहरु ब्रिटिश सेनामा आएपछि त वीर नेपालीबारे अन्तर्राष्ट्रिय रुपमै थाहा भयो ।’
प्रधानमन्त्री ओलीले नेपाली कर्तव्यपरायण र अनुशासित भएको प्रसंग उल्लेख गर्दै नेपाली जहां पुगेका छन् त्यहां पीडा र अप्ठेरो होइन, बरु नेपालको प्रतिष्ठा उंचो बनाएका बताए । ओलीले नेपालीलाई आफ्नो कारोबार मिलाएर नेपाल फर्कन पनि आग्रह गरे ।
उपनियोग प्रमुख शरदराज आरनले सन्चालन गरेको उक्त कार्यक्रममा ब्रिटिश राज्यमन्त्री मार्क फिल्डले ब्रिटिशहरूमा नेपाल र नेपालीप्रति गहिरो स्नेह रहेको बताउँदै ब्रिटेनले नेपाललाई दिँदै आएको सहयोगको चर्चा गरेका थिए।
बेलायतका लागि नेपाली राजदूत डा. दुर्गाबहादुर सुवेदीले स्वागत मन्तब्य दिंदै बेलायत नेपाल सम्बन्धबारे बोले । सो अवसरमा विभिन्न नाच प्रस्तुत गरिएको थियो । सहभागी एभरेष्टइन रेस्टुराँको खानामा रमाए ।
प्रधानमन्त्री ओली नेपाली प्रतिनिधिमण्डलसहित बुधबार नै रेल चढेर पेरिस तर्फ लागेका छन् ।
सन् २०३० भित्र चन्द्रमामा मानव पठाउने चीनको लक्ष्य
नेपालमा प्रतिकूल मौसमले आन्तरिक तथा अन्तरराष्ट्रिय हवाई उडान प्रभावित
महिला फुटबल नेपालसँग भारत पराजित
प्रतिनिधिसभा विघटनविरुद्धको रिटमा सर्वोच्चले दिएन अन्तरिम आदेश
‘हिडन भ्याली’मा अलपत्र परेका तीन बेलायती महिलासहित १२ स्वदेशी पर्यटकको उद्धार प्रयास जारी : नेपाली सेना
बेलायतको ननिटनका मेयर भूतपूर्व गोर्खा क्याप्टेन सारू सिंहदरबारमा सम्मानित
आदिवासी जनजाति महासंघ क्यालिफोर्नियाको अध्यक्षमा कुमार दोङ
नेपालमा कार्की नेतृत्वको सरकारमा दुई मन्त्री थप
बेलायतमा तमु समाज यूकेले यस वर्ष पनि खेल्यो देउसी-भैलो
जीआरएनसी यूकेले भवन खरिद प्रक्रिया अघि बढायो, पूर्वअध्यक्ष बेल्वासेको संयोजकत्वमा समिति गठन
