यूके नेपाल बिजनेस ग्रुप गठन

लन्डन । बेलायतमा व्यापार गरिरहेका नेपालीहरु संगठित भएका छन् । उनीहरुले यूके नेपाल बिजनेस ग्रुप गठन गरेका हुन् ।
यूके नेपाल विजनेश ग्रुप सञ्चालन एवं त्यसको विस्तार, ब्यबस्थापन गर्न एक समिति गठन गरिएको छ । समितिको निर्देशकमा ओम गुरुङ, प्रवन्धक भिम सारु, सचिव 
हाङसिङ सुब्बा र कोषाध्यक्षमा अर्जुन गुरुङ छन् ।
त्यसैगरि, सल्लाहकारमा नन्द गुरुङ र सदस्यहरुमा लोकेश गुरुङ, ठाकुर गुरुङ, याम गुरुङ, बल गुरुङ र खिम थापा (वेव डिजाइनर) चुनिएका छन् ।

उक्त समितिको बैठक गत २८ जनवरीमा क्रस्ड खुकुरी रेष्टुरेन्ट, ननिटनमा सम्पन्न भएको छ । उक्त बैठकमा ननिटन साथै आसपास शहरमा विभिन्न व्यापार ब्यवसाय गरिरहेका व्यवसायीको उपस्थिति थियो । उक्त भेलामा व्यापार व्यवसायको अवस्था, सम्भावना, विस्तार अनि आपसी एकताबारे छलफल भएको थियो । सहभागी ब्यवसायीले आ-आफ्नो सुझाव प्रस्तुत गरेका थिए ।

आगामी दिनमा संस्थालाई यूकेभर सबै ब्यवसायीकाबीचमा विस्तार गर्ने लक्ष्य रहेको ब्रिटिश गोरखा भेट्रानका अध्यक्ष ओम गुरुङ एमबीइले बताए । ब्यवस्थापक भिम सारुले भावी योजना सुनाएपछि 
निर्देशक गुरुङले सभा विसर्जन गरेका थिए । सांझ ८ बजे शुरु भएको भेला राती ११ बजे समापन भएको थियो ।