बेलायतका युवाहरूले खेले देउसी भैलो

लण्डन । महान चाड दिपावलीको शुभ अवसरमा बेलायतका युवाहरूले देउसी भैलो कार्यक्रम गरेका छन् ।  

नेप्लीज युथ एसोसिएसन युकेका सदस्यहरुले शुभकामना आदान प्रदान गर्दै युकेको डोभर र फोल्कस्टोनमा देउसी भैलो कार्यक्रम गरेका हुन् ।

नयाँ पुस्तालाई संस्कृति जोगाउन प्रोत्साहन गर्ने कार्यक्रमको मुख्य उदेस्य रहेको नेप्लीज युथ एसोसिएसन युके महिला संयोजक अमृता गिरी गजुरेलले बताइन् ।

कार्यक्रममा गिता बस्नेत पाण्डे, सुस्मीता थापा, अमृता गिरी गजुरेल, अन्जु श्रेष्ठ, खगेन्द्र थापा, किरण गुरूङ, नवीन थापा लगायत युवाहरूले बिभिन्न गीत/संगीत तथा नृत्य प्रस्तुत गरेका थिए ।

देउसी भैलो कार्यक्रम सुरू गर्नु अगाडि नै प्रत्येक घरमा कार्यक्रम सम्वन्धी सूचना दिन ‘लिफ्लेट’ बांडिएको थियो । 

कार्यक्रममा नेपालीपन झल्कने गरी युवाहरूले दिपावलीको मौलिक परम्परा अनुसार देउसी भैलेनी गीत गाउँदै विभिन्न नृत्य प्रस्तुत गरे ।

कार्यक्रमको समग्र नेतृत्व संयोजक अन्जु श्रेष्ठले गरेकी थिइन् ।

नेप्लीज युथ एसोसिएसन युकेका अध्यक्ष धिरज राईले कार्यक्रम महत्वपूर्ण र मनोरन्जनात्मक रहेको भन्दै आगामी वर्षमा पनि निरन्तरता दिन अनुरोध गरेका छन् ।

नेपाली मौलिक कला संस्कृति जोगाउन युवाहरूलाई यस्ता कार्यक्रमहरू गर्न सबैले साथ र सहयोग गर्नुपर्ने एनआरएनए युके उपाध्यक्ष तथा नेप्लीज युथ एसोसिएसन युकेका वरिष्ठ सल्लाहकार प्रेम गाहामगरले बताए ।