भूपू गोर्खा युरोपेली अदालत जानु हुन्थेनः राजदूत

लन्डन । बेलायतका लागि नेपाली राजदूत डा. दुर्गाबहादुर सुवेदीले भूपू गोर्खाहरुको माग सम्वोधन र समाधान ज्वलन्त मुद्दा रहेको उल्लेख गर्दै कुटनीतिक संवादद्वारा यसको सामाधान गर्न पहल गर्ने बताएका छन् । ‘यो राजनीतिक भन्दा कुटनीतिक रुपमा सम्वोधन गर्न जरुरी छ’, लन्डन मिसन सम्हालेको आठौं दिन शुक्रबार सांझ दूतावास भवनमा बेलायतस्थित नेपाली सञ्चारकर्मीहरुमाझ उनले भने, ‘यो दुई सरकारबीचको कुरा हो । युरोपेली अदालतले गोर्खाहरुको विपक्षमा फैसला गरिसकेको अवस्थामा यसको समाधान सहज र सजिलो भने छैन् ।’

उनले भूपू गोर्खाहरुलाई आफ्ना माग लिएर युरोपेली अदालत गइहाल्न नहुने पनि बताए । ‘यसले असहज र अप्ठ्यारो परिस्थिति निम्त्याएको छ तर सहमति, सम्झौता र सकारात्मक निचोडमा पुगिने मेरो विश्वास छ’, उनले भने ।

सुवेदीले भूपू गोर्खा प्रतिनिधिहरुसंग छिट्टै भेटघाट गर्ने कार्यक्रम छ ।