संघीय समाज, बेलायतमा कमल गुरूङ

लन्डन । नेपाली संघीय समाज, बेलायतको दोस्रो महाधिवेशनले कमल गुरूङको अध्यक्षतामा नयां कार्यसमिति निर्वाचित गरेको छ । निवर्तमान सल्लाहकार गुरूङको अध्यक्षतामा २८ सदस्यीय कार्य समिति चयन भएको हो ।

समितिको सह अध्यक्षमा नरेश काङमाङ राई र बालकृष्ण राई, उपाध्यक्षहरूमा भानुभक्त राई, बसुन्धरा याक्खा राई, योगेश राई र पंकज बजगाइं चयन भएका छन् । त्यसैगरी, महासचिवमा कमल राई, उपमहासचिवमा मिलनचन्द्र राई, सचिवहरूमा देवेन्द्र राई, विमला 
कुमारी राई र दावा स्याङ्वो, कोषाध्यक्षमा जानुका राई, 
सह कोषाध्यक्षहरूमा होम सुनुवार र राजकुमार राई चुनिएका छन् । महाधिवेशनले सदस्यहरूमा सय कुमार राई, चन्द्रबहादुर गुरूङ, सुमित्रादेवी राई, इन्द्र गुरूङ, एम कुमार गुरूङ, दुर्गा गुरूङ, दीपेन्द्र गुरूङ, चन्द्र गुरूङ, शेर गुरूङ, आङ्दावा शेर्पा, रिञ्जी शेर्पा, फुर्वा शेर्पा र अमित थेवे रहेका छन् ।

संघीय समाजवादी फोरम, नेपालको प्रवास अंगका रूपमा रहेको समाजको महाधिवेशन आइतबार अल्डरसटमा पूर्व उपप्रधानमन्त्री तथा संघीय समाजवादी फोरम नेपालका अध्यक्ष उपेन्द्र यादवको प्रमुख आतिथ्य र संघीय समाजवादी फोरम नेपालका केन्द्रीय सदस्य तथा नेफेसो इञ्चार्ज आङकाजी शेर्पाको विशेष आतिथ्यमा सम्पन्न भएको थियो ।