बेलायतको प्रोपर्टी मार्केटमा हुँदै गरेको परिवर्तनमा बारेमा निशुल्क वेभिनार

लण्डन । बेलायत सरकारले प्रोपर्टी मार्केटमा लागू गर्न लागेको नयाँ व्यवस्थाहरुका बारेमा जानकारी दिन ए स्टार मोर्गेजेजले एक वेभिनारको आयोजना गरेको छ ।
यही डिसेम्बर ११ का दिन साँझ ७ः३० बजे जूममार्फत आयोजना गरिएको सो भर्चुअल वेभिनारमा सहभागीहरुले निशुल्क रुपमा भाग लिन तथा विज्ञहरुसित जिज्ञासा राख्न पाउने ए स्टार मोर्गेजेजका मोर्गेज एडभाइजर तथा कार्यक्रम संयोजक रमेश साराङकोटीले जानकारी दिनुभयो ।
वेभिनारमा चार्टर्ड ट्याक्स एडभाइजर लेखनाथ (एलएन) घिमिरे, नर्थउड स्टेट एजेन्टस् आसफोर्डका कोलिन र श्रीमती प्यासेन्स, ए स्टार मोर्गेजेजका मोर्गेज एडभाइजर कुमार गुरुङ तथा ए स्टार रियल स्टेटस्का नारायण तिमिल्सिनाले प्रस्तुति दिनुहुनेछ ।
कार्यक्रम बेलायत सरकारले सन् २०२६ देखि बेलायतको प्रोपर्टी मार्केटमा गर्न लागेको परिवर्तनले मोर्गेज, घरजग्गा कर, घरधनीको अधिकारमा पार्ने असरहरुमा केन्द्रीत हुनेछ । यसका साथै पहिलोपटक घर किन्न चाहने, पहिले घर किनिसकेको तर अहिले अझै राम्रो घर किनेर सर्न खोजिरहेका तथा अर्को घर किनेर भाडामा लगाउन खोज्नेहरुका लागि कार्यक्रम उपयोगी हुने बताइएको छ ।
बेलायत सरकारले भाडामा बस्नेहरुको हक ऐनमा परिवर्तन गरी सो परिवर्तित व्यवस्था सन् २०२६ को मे १ देखि लागू गर्दैछ भने सरकारले हालै जारी गरेको शरदकालिन बजेटमा घर बिक्री तथा भाडामा करका दायरामा नयाँ व्यवस्था लागू गर्ने बताएको छ ।
ए स्टार मोर्गेजेज (ए स्टार फाइनान्सियल सोल्युसन्स)ले एक दशकभन्दा लामोदेखि बेलायतको प्रोपर्टी मार्केटमा हुँदै गरेको परिवर्तन बारेमा बेलायतबासी नेपालीहरुलाई निशुल्क रुपमा सेमिनार र वेभिनारमार्फत नियमित रुपमा जनचेतना गराउँदै आएको प्रिन्सिपल मीन दर्लामी बताउनुहुन्छ ।