बेलायती प्रधानमन्त्री र फ्रान्सका राष्ट्रपतिद्वारा युक्रेनको सहयोगका लागि नयाँ योजना सार्वजनिक

लन्डन । बेलायती प्रधानमन्त्री केइर स्टार्मर र फ्रान्सका राष्ट्रपति इमानुएल म्याक्रोँले युक्रेनमा युद्धविरामका लागि मस्कोविरुद्ध थप दबाब सिर्जना गर्न आह्वान गरेका छन् ।

बेलायतबाट तथाकथित ‘इच्छुक गठबन्धन’को भिडियो कन्फरेन्स बैठकको सह–अध्यक्षता गर्दै दुवै नेताले युक्रेनका लागि युद्धविरामपछिको शान्ति सेनाको योजना तयार रहेको पनि बताएका छन् ।

म्याक्रोँले मित्र राष्ट्रहरूलाई “रूसमाथि दबाब बढाउन’ आह्वान गर्दै भन्नुभयो, “रूसमाथि दवाब बढाउनका लागि हामीलाई स्पष्ट रूपमा केही नयाँ उपाय आवश्यक भएको छ ।“.

नेटोले कमाण्ड सेन्टरको रुपमा प्रयोग गर्दै आएको उत्तर पश्चिम लण्डनको नर्थवुडमा रहेको बेलायती सैन्य अखडाबाट यी दुई नेताले उक्त धारणा सार्वजनिक गरेका हुन् ।

इटालीका प्रधानमन्त्री जियोर्जिया मेलोनी, युक्रेनका राष्ट्रपति भोलोदिमिर जेलेन्स्की, अमेरिकी सिनेटरलिण्डसे ग्राहम र रिचार्ड ब्लुमेन्थलले रोमबाट बैठकमा सहभागिता जनाएका थिए ।

योजनाबद्ध शान्ति सेनाबारे छलफल गर्दै म्याक्रोँले भन्नुभयो, “हामीसँग युद्धविरामको केही घण्टापछि जान र सुरु गर्नेगरी एउटा योजना तयारी अवस्थामा छ ।