बेलायतवासी साहित्यकार तथा गीतकार लीलाको ‘बाचा गरौँ न’ लिरिकल भिडियो सार्वजनिक

लन्डन । भ्यालेन्टाइन्स डे को छेक पारेर बेलायतवासी साहित्यकार तथा गीतकार लीला सेलिङ माबोले भ्यालेन्टाइन डे स्पेसल ‘बाचा गरौँ न’ नामक लिरिकल भिडियो दर्शक तथा स्रोतामाझ ल्याउनुभएको छ ।

चर्चित गायिका अन्जु पन्तको स्वर रहेको लिरिकल भिडियो लीलाकै युट्युब च्यालनबाट गत शुक्रबार सार्वजनिक भएको हो । रोमान्टिक गीतमा शब्द लीला सेलिङ माबोकै रहेको छ भने उदीयमान युवा सङ्गीतकार पवन बान्तावा राईको सङ्गीत रहेको छ।श्री माबो निर्माता रहेको गीतको रेकडिस्ट मनोज साङ्सोन राई र सुरेश राई रहनुभएको छ भने एरेन्ज, मिक्सिङ र मास्टरिङ राजु कार्कीको रहेको छ ।

लीलाद्वारा लिखित गत वर्ष करण राईको स्वरमा सार्वजनिक भएको म्युजिक भिडियोलाई १२ लाखभन्दा बढी दर्शकस्रोताले हेरेका छन्‌ । करिब अढाई दशकदेखि बेलायतलाई कर्मथलो बनाउँदै आएकी लीलाले नेपाली, लिम्बु र अङ्ग्रेजी भाषामा (ट्रिलिङ्गुएल) कलम चलाउनुहुन्छ । उहाँ विशेषगरी गीत, कविता, डायरी तथा संस्मरण विधामा कलम चलाउँदै आउनुभएको छ ।

समाजसेवामा समेत अग्रपंक्तिमा रहेकी लीला बेलायतवासीहरूमाझ चिरपरिचित हुनुहुन्छ ।