हिमाल आरोहणमा पूर्वब्रिटिस आर्मी निर्मल पूर्जासहित दुई नेपालीको विश्व कीर्तिमान

काठमाडौँ । विश्वका १४ अग्ला हिमाल आरोहणमा पूर्वब्रिटिस आर्मी निर्मल पूर्जा मगर (निम्सदाई) र सबैभन्दा कान्छो आरोही निमा रिन्जी शेर्पाले पुरक अक्सिनबिना सबैभन्दा छिटो आरोहणको विश्व कीर्तिमान बनाउनुभएको छ ।

निम्सदाइले सगरमाथासहित विश्वका १४ अग्ला हिमाल बोतल अक्सिजनबिना सबैभन्दा चाँडो आरोहण गर्ने नयाँ कीर्तिमान बनाउनुभएको छ । आरोही पूर्जाले मंगलबार चीनमा पर्ने ८ हजार १२ मिटर अग्लो हिमाल अक्सिजन बोतलको सहायताबिना आरोहण गर्नुभएको थियो । पूर्जाले सामाजिक सञ्जालमार्फत भर्नुभएको छ, ‘एकपटक फेरि इतिहासको रचना भएको छ, पूरक अक्सिजनबिना विश्वकार १४ अग्ला शिखर २ वर्ष ४ महिना २८ औं दिनमा आरोण गरेको छु ।’

पूर्जाले यसअघि यी सबै हिमाल अक्सिनको सहायताले आरोहण गर्नुभएको थियो । यसमा पनि उहाँ सबैभन्दा चाँडो आरोहण गर्ने विश्वकै पहिलो आरोही हुनुहुन्थ्यो । पूरक अक्सिनको सहायतासहित र रहित पूर्जाले यी सबै १४ अग्ला हिमालमा ५ वर्ष ५ महिना १२ औं दिनमा भ्याउनुभएको छ ।

उहाँको यो अभियान २३ अप्रिल २०१९ बाट सुरु भएको थियो । पूर्जाले ८ हजार अग्ला हिमालहरुमा हालसम्म ४९ औं पटक आरोहण गरिसक्नुभएको छ ।

संखुवासभाको मकालुका निमा रिन्जीले बुधबार चीनमा पर्ने विश्वको १४औं अग्लो हिमाल सिसापाङ्मा आरोहण गर्नुभएको काठमाडौंस्थित सेभेन समिट ट्रेक्स प्रालिले जनाएको छ । शेर्पा अहिले १८ वर्षको हुनुहुन्छ । सगरमाथासहित विश्वका सबै हिमाल सबैभन्दा कम उमेरमा आरोहण गर्नेमा उहाँ विश्वकै पहिलो भएको सेभेन समिटले जनाएको छ ।