विश्व स्वास्थ्य सङ्गठनले भन्यो – ‘एमपक्स कोभिड भाइरसको नयाँ रुप होइन’

लन्डन । विश्व स्वास्थ्य सङ्गठनले मङ्किपक्स ‘एमपक्स‘ भाइरस र यसको नियन्त्रणबारे पूर्वजानकारी रहेकोका जोड दिँदै यसको प्रकोप अर्को कोभिड–१९ भेरियन्ट नभएको बताएको छ ।

एमपक्स ‘क्लेड १ बी‘ भेरियन्टको थप अनुसन्धान आवश्यक रहेको बताउँदै संयुक्त राष्ट्र सङ्घले यसलाई अन्तर्राष्ट्रिय चिन्ताको सार्वजनिक स्वास्थ्य आपतकाल घोषणा गरेको हो । एमपक्स प्रकोपलाई नियन्त्रण गर्न सकिन्छ,’ डब्ल्यूएचओका युरोपेली निर्देशक हान्स क्लुगेले भन्नुभयो । सन् २०२२ जुलाईमा, डब्ल्यूएचओले एमपक्सको कम गम्भीर भेरियन्ट ‘क्लेड २बी‘ लाई पनि अन्तर्राष्ट्रिय स्वास्थ्य आपतकाल घोषणा गरेको थियो । “एमपक्स कोभिड भाइरसको नयाँ रुप होइन”, क्लुगेले बताउनुभयो ।

क्लुगेले व्यक्तिबीच छालाको सम्पर्क एमपक्स सङ्क्रमण फैलिने मुख्य कारक रहेको बताउनुभयो ।