‘मनसरा’ चलचित्रको ग्राण्ड प्रिमियर बेलायतमा हुँदै

लण्डन । बेलायतबासी अभिनेत्री मिरुना मगर अभिनित चलचित्र मनसाराको बेलायतमा प्रिमियर हुने भएको छ ।
मे ११ शनिवारको दिन गोर्खा वरियर्सको आयोजनामा बेलायतको फार्नब्रोस्थित भ्यू सिनेमामा बिहान १० बजे सो प्रिमयर हुने भएको हो ।
कबड्डी फिल्मको ब्यानरमा निर्मित यस चलचित्रको प्रोड्यूसरमा गोर्खा वारियर्स र शैलेन्द्र डी। कार्की रहेका छन् भने कथा र निर्देशन उपेन्द्र “झाँक्री” सुब्बाले गरेका छन् ।
ताप्लेजुङ् यूवा समाजको साथमा गोर्खा वरियर्सले प्रिमियर सो पछि १२ तारिख लिम्बु जातिको बाक्लो बस्ती भएको ठाउँमा दुई सो गर्दै बेलायतको विभिन्न ठाउँहरुमा उक्त चलचित्र प्रदर्शन गर्ने वरियर्सका संयोजक पिटर गुरुङ्ले जानकारी दिए।
वरियर्सले विगतमा लूट चलचित्र निश्चल बस्नेत, दयाहाङ् राई, प्रियन्का कार्की लगायतका कलाकारहरुलाई उपस्थित गराएर सो गरिसकेको र अन्य धेरै ठूला ठूला लाईभ कन्सर्ट र आफ्टर पार्टीहरु गरिसकेको छ ।
गत साल चलचित्र जारीको अपार सफलतापछि वरियर्सले नेपाली सिनेमामा गरेको यो दोस्रो लगानी हो ।
अभिनेत्री मिरुना मगरद्वारा अभिनित पहिलो चलचित्र जारी भएपनि विभिन्न कारणले हलमा आउन ढिलो भएको थियो । सिने जगतमा पहिलेदेखि नै कथा लेख्दै आएपनि पहिलो निर्देशित चलचित्र जारी दर्शकले अत्यधिक रुचाएर ब्लकबस्टरभएपछि यस चलचित्रलाई जारीमा भएका कमी कम्जोरीलाई आत्मासात गरेर अझै राम्रो कथावस्तु रचेर तयार पारेको र दर्शकलाई निराश नपार्ने विश्वास लिएको कुरा निर्देशक उपेन्द्र सुब्बा ”झाँक्री बा” ले ब्यक्त गरे ।