भ्रष्टाचारको मुद्दामा पाकिस्तानका पूर्वप्रधानमन्त्री सरिफलाई सफाइ

इस्लामावाद । पाकिस्तानको एक उच्च अदालतले गत महिना स्वनिर्वासनबाट फर्केका पूर्व प्रधानमन्त्री नवाज सरिफविरुद्धको भ्रष्टाचारको अभियोग बुधबार खारेज गरिदिएको छ ।
आगामी फेब्रुअरीमा हुने चुनावअघि आफ्नो नै सफाइ पाउने प्रयासमा रहेका सरिफका लागि यो ठूलो राहत हो । सरिफ अहिले जमानतमा छन् भने उनका मुख्य प्रतिद्वन्द्वी इमरान खान जेलमा छन् ।
“मैले सबै मामिला अल्लाहमा छोडेको थिएँ र अल्लाहले आज मलाई सम्मान गर्नुभएको छ,” सरिफले इस्लामाबाद उच्च अदालतबाहिर पत्रकारसँग भन्नुभयो ।
इस्लामाबाद उच्च अदालतका एक अधिकारीले एउटा मुद्दामा सफाइ पाएको पुष्टि गरेका छन् भने शरिफले स्टिल कम्पनीमा लगानी गरेको आरोपमा दोस्रो सजायका लागि अपिल गर्नुभएको छ ।
सरिफलाई सन् २०१८ मा आफ्नो परिवारले लण्डनमा फ्ल्याट खरिद गर्दा भ्रष्टाचार गरेको आरोपमा १० वर्षको जेल सजाय सुनाइएको थियो ।