भावी प्रधानसेनापतिका दावेदार उपरथी पाण्डेद्वारा राजीनामा

काठमाडौँ । नेपाली सेनाका उपरथी ताराध्वज पाण्डेले आज आफ्नो पदबाट राजीनामा दिनुभएको छ ।
पाण्डेले दिनुभएको राजीनामा नेपाली सेनाको मुख्यालयले रक्षा मन्त्रालयसमक्ष पठाएको नेपाली सेनाका प्रवक्ता कृष्णप्रसाद भण्डारीले जानकारी दिनुभयो ।
पाण्डेमाथि उमेर ढाँटेको आरोप लागेको थियो । भावी प्रधानसेनापतिका दाबेदार पाण्डेको बढुवाको समाचार सँगसँगै उनले उमेर ढाँटेको आरोप चर्किएको थियो । अख्तियार तथा सेना आफैँले पनि छानविन गर्ने भएपछि पाण्डेले राजिनामा दिएका हुन् ।