भूकम्पपीडितलाई माओवादी र काँग्रेसको ५०/५० एकीकृत समाजवादीको २५ लाख सहयोग

काठमाडौँ । जाजरकोट भुकम्पबाट पीडितहरुका लागि सत्ता साझेदार दलहरुले प्रधानमन्त्री राहत कोषमा सहयोग जम्मा गरेका छन् ।
सरकारको नेतृत्व गरिरहेको नेकपा (माओवादी केन्द्र) ले रु ५० लाख राहत रकम सहयोग गरेको छ । माओवादी केन्द्रका उपाध्यक्ष पम्फा भुसालले आज प्रधानमन्त्री पुष्पकमल दाहाल ‘प्रचण्ड’ सँग भेट गरी उक्त रकम बराबरको चेक हस्तान्तरण गर्नुभयो ।
कांग्रेसको रु ५० लाख सहयोग

नेपाली कांग्रेसले पनि प्रधानमन्त्री दैवी प्रकोप उद्धार कोषमा रु ५० लाख सहयोग गरेको छ । कांग्रेसका सभापति शेरबहादुर देउवासहितको पदाधिकारीहरुको प्रतिनिधि मण्डलले आज बिहान प्रधानमन्त्री पुष्पकमल दाहाल ‘प्रचण्ड’लाई बालुवाटारमा भेटी उक्त रकम बराबरको चेक हस्तान्तरण गरेको हो ।
एकीकृतको २५ लाख

आजै नेकपा (एकीकृत समाजवादी)ले पनि रु २५ लाख सहयोग गरेको छ । पार्टीका अध्यक्ष माधवकुमार नेपाल लगायतका नेतासहितको प्रतिनिधि मण्डलले प्रधानमन्त्रीलाई बालुवाटारमा भेट गरी रु २५ लाख बराबरको चेक प्रधानमन्त्री दैवी प्रकोप उद्धार कोषको लागि हस्तान्तर गरेको थियो ।