नेपालले २५३ विद्यार्थीलाई इजरायलबाट उद्दार गर्दै

लण्डन । इजरायलमाथि हमासको सशस्त्र हमलामा १० जना नेपाली नागरिक मारिएपछि नेपालले २५३ जना नागरिकलाई आज उद्दार गरेको छ ।

परराष्ट्र मन्त्री एनपी सावद उनीहरुलाई लिन इजरायलको तेलअभिभ पुगेका थिए । उनले वेन गुरिन विमानस्थलमा घर फर्कने विद्यार्थीहरूलाई स्वागत गरेका थिए ।

परराष्ट्र मन्त्रालयले नेपाल एयरलाइन्सको सो विमानमा २५३ जना नेपाली नागरिकलाई चढाइएको र चाँडै नै नेपाल फिर्ती उडान भर्ने जनाएको छ ।

इजरायलमा रहेका नागरिकको उद्दार गर्न अहिले विश्व नै लागेको छ । मिडिया रिपोर्टअनुसार अहिले तेलअभिव विमानस्थलमा अवतरणका लागि ट्राफिक नै बनेको छ । इजरायलमा करिब ५ हजार नेपाली रहेको अनुमान छ । तीमध्ये एक जना आक्रमणपछि हराइरहेका छन् भने घाइतेहरूको उपचार भइरहेको छ ।