पहिलो विदेश भ्रमणमा बेलायती राजा

लण्डन । बेलायती राजा चार्ल्स तृतीय पहिलो विदेश भ्रमणमा निस्किएका छन् । फ्रान्सबाट विदेश भ्रमण शुरु गर्ने योजना रहे पनि फ्रान्समा जारी प्रदर्शनका कारण उनको भ्रमण स्थगित भएको थियो ।

बुधबार उनले पहिलो भ्रमण जर्मनीबाट शुरु गरेका छन् । जर्मनीको ब्रान्डेनबर्ग विमानस्थलमा रानी कमिलासहित विमानबाट उत्रिएका राजा चार्ल्सलाई जर्मनीका राष्ट्रपति स्टेनमियर र उनकी पत्नीले स्वागत गर्नुभएको थियो ।

सो अवसरमा बेलायती राजा र रानीलाई जर्मन सैनिक टोलीले सलामी चढाएको थियो भने राजा र रानीले सर्वसाधारणसित पनि बातचित गरेका थिए ।

बेलायती राजा रानीले जर्मनीमा तीन दिन बिताउने कार्यक्रम रहेको छ ।