भ्रममा नपर्न गेसोको अपील

लण्डन । गोर्खा भूतपूर्व सैनिक संघ (गेसो) का सभापति कृष्णकुमार राईले आज एक विज्ञप्ति जारी गर्दै अप्रिल २ मा गेसोको कुनै कार्यक्रम नरहेको प्रष्ट पारेका छन् ।

सामाजिक सन्जालमा अप्रिल २ तारिखका दिन अल्डरसटमा गेसोले कार्यक्रम आयोजना गरेको थाहा पाए पछि राईले सो कुरा प्रष्ट्याएका हुन् ।

उनले आफू गेसोको सभापति भएको समस्त भूतपूर्व सैनिकहरूलाई अवगत भइसकेको र सो कार्यक्रम आफूहरूले आयोजना नगरेको बताएका छन् । उनले अहिले गोरखा भूतपूर्व सैनिकहरूका समस्याका बारेमा बेलायत र नेपाल सरकारबीच वार्ता भइरहेको अवस्थामा त्यसलाई बिथोल्न संस्थापक सभापति पदमबहादुर गुरुङले सो कार्यक्रम आयोजना गरेको आरोप लगाएका छन् ।

सामाजिक संजालमा पदमबहादुर गुरुङ समर्थकहरूले गुरुङ पुन: गेसोमा फर्किएको र बेलायतमा रहेका भूतपूर्व गोरखाहरूलाई सम्बोधन गर्ने कार्यक्रम रहेको प्रचार गरिएको छ ।