लण्डन । कोशी प्रदेश नामकरणको विरोधमा भएको आन्दोलनमा प्रहरी दमनमा घाइते भई उपचारका क्रममा निधन भएका पदम लिम्बू (लाजेहाङ) लाई शहीद घोषणा गर्न नेपाल आदिवासी जनजाति महासंघ (नेफिन) बेलायतले माग गरेको छ ।
नेफिन युकेले शनिबार एक विज्ञप्ति जारी गर्दै शान्तिपूर्ण विरोध प्रदर्शनमा राज्यको दमन अत्यधिक हुनु नागरिकको अधिकार माथिको आक्रमण भएको बताएको छ । लिम्बूलाई तत्काल शहीद घोषणा गरी परिवारलाई क्षतिपूर्ति दिन माग गर्दै नेफिन युकेले तथा प्रदेश नम्बर १ को वातावरण बिथोल्ने निर्णय गर्ने मुख्यमन्त्री हिक्मत कार्कीलाई राजिनामा दिन आह्वान गरेको छ ।
कोशी प्रदेश नामकरण तुरुन्त फिर्ता लिन र जनचाहनाबमोजिम नामकरण गराउन पनि नेफिन युकेले माग गरेको छ ।
तेह्रथुमका लिम्बु आन्दोलनका क्रममा १९ मार्चमा घाइते भएका थिए । उनको उपचारका क्रममा २४ मार्चमा निधन भएको थियो ।
