माओवादीले पदाधिकारी चयन गर्न सकेन

काठमाडौँ । कहिले बोलाउँदै, कहिले स्थगन हुँदै सम्पन्न भएको माओवादी केन्द्रको केन्द्रीय समितिले पदाधिकारी चयन गर्न सकेन ।
अध्यक्ष प्रचण्डले पदाधिकारीको नाम पढ्न नलाउन केन्द्रीय सदस्यहरुलाई अनुरोध गरेका थिए । यद्यपि उनले ४१ सदस्सीय स्थायी समिति र १२५ सदस्सीय पोलिटब्यूरो हुने बताए । वैकल्पिकसहित १५६ सदस्यीय पोलिटब्यूरोमा रहने केन्द्रीय सदस्यहरुको नाम उनले बैठकमा प्रस्ताव गरेका थिए । तर स्थायी समितिका सबै सदस्यहरुको नाम भने प्रस्ताव गरिएन ।
स्थायी समितिमा अध्यक्ष प्रचण्डसहित नेता नारायणकाजी श्रेष्ठ, कृष्णबहादुर महरा, देव गुरुङ, गिरिराजमणि पोखरेल, वर्षमान पुन, हरिबोल गजुरेल, शक्ति बस्नेत, जनार्दन शर्मा, चक्रपाणि खनाल, पम्फा भुसाल, हितमान शाक्य, कुलप्रसाद केसी, मातृका यादव, जयपुरी घर्ती, लीलामणि पोखरेललगायत समेटिएको बताइएको छ ।