मरिससविरुद्धको दोस्रो खेल पनि नेपालले जित्यो

काठमाडौँ । मरिससविरुद्ध दोस्रो मैत्रीपूर्ण फुटबल खेलमा नेपालले जित हासिल गरेको छ ।

दशरथ रंगशालामा भएको दोस्रो मैत्रीपूर्ण खेलमा नेपाल १–० ले विजयी भएको हो । नेपालको जितमा सुजन श्रेष्ठको गोल निर्णायक बन्यो ।

खेलको १० औं मिनेटमा पुजन उपरकोटीको पासमा सुजल श्रेष्ठले गोल गरेका थिए ।

मोरिसस विरुद्धको दोस्रो मैत्रीपूर्ण खेल तनावपूर्ण रह्यो र तीन खेलाडी र एक अफिसियलले रातो कार्ड पाए । नेपालका एक र मोरिससका दुई खेलाडीले रातो कार्ड पाए । खेलमा नेपालका अफिसियल विकास मल्ललेसमेत रातो कार्ड पाए ।

खेलमा म्यान अफ द म्याच नेपालका किरण गुरुङ बने । उनले ७५ हजार रुपैयाँ पुरस्कार पाए ।

यसअघि शनिबार भएको पहिलो खेलमा समेत नेपाल १ शून्यले विजयी भएको थियो ।