काँग्रेस महाधिवेसन: दोस्रो चरणमा थोरै मत खस्यो

काठमाडौं । नेपाली कांग्रेसको नयाँ सभापतिका लागि मंगलबार सम्पन्न दोस्रो चरणको निर्वाचनमा पहिलोचरणमा भन्दा कम मत खसेको छ । सोमबार भएको पहिलो चरणको मतदानमा ४ हजार ६ सय ७९ मत खसेको थियो भने मंगलबार भएको दोस्रो चरणको मतदानमा ४ हजार ५ सय ६२ मत मात्र खसेको छ ।

दोस्रोचरणमा पहिलो चरणमा भन्दा ११७ मत कम खसेको छ ।

पहिलो चरणको मतदानमा कुनै उम्मेदवारले ५० प्रतिशत मत कटाउन नसकेपछि दोस्रो चरणको मतदान गर्नुपरेको हो ।

अब चाँडै नै मत गणना शुरु गरिने र रातभरमा मतपरिणाम आउने आशा गरिएको छ ।

उता अन्य पदाधिकारी तथा सदस्यहरुको मत गणना भने बिहीबारबाट मात्र शुरु गरिने बताइएको छ ।