प्रदेश नं १ को मुख्यमन्त्रीमा राजेन्द्र राई नियुक्त

विराटनगर ।  प्रदेश नं १ को मुख्यमन्त्रीमा नेकपा (एकीकृत समाजवादी) प्रदेश संसदीय दलका नेता राजेन्द्र राई नियुक्त हुनुभएको छ ।

नेपालको संविधानको धारा, १६८ को उपधारा (२) बमोजिम उहाँलाई प्रदेश नं १ का प्रदेश प्रमुख सोमनाथ अधिकारी प्यासीले मुख्यमन्त्री पदमा आज नियुक्त गर्नुभएको हो । उहाँले आजै आफ्नो पद तथा गोपनीयताको शपथ लिनुहुनेछ ।

अनेरास्ववियूका पूर्व अध्यक्ष समेत रहेका राई भोजपुरबाट प्रदेश सभामा निर्वाचित भएका हुन् ।

उनी प्रदेश नम्बर १ को तेस्रो मुख्यमन्त्री बनेका छन् । यसअघि उनकै जिल्लाका शेरधन राई मुख्यमन्त्री रहिसकेका छन् भने भीम आचार्य करिब ७० दिन मात्र मुख्यमन्त्री बनेका थिए ।