तस्वीर पीए मिडिया
लण्डन । बेलायतको दक्षिणी पश्चिमी शहर सोल्सब्रीमा दुई यात्रुबाहक रेल आपसमा ठोक्किँदा दर्जनौँ घाइते भएका छन् ।
साउद वेष्टर्न रेलवे र ग्रेट सर्भिस रेलवेको रेल आइतबार बेलुकी आपसमा ठोक्किएका थिए ।
पहिलो रेलको एउटा डब्बाले असन्तुलित भई कुनै वस्तुमा ठोक्किएको र दोस्रो रेलले संकेत नपाएका कारण रेल ठोक्किएको प्रारम्भिक अनुमान गरिएको छ ।
नेटवर्क रेलका सुरक्षा सम्बन्धी अधिकारीले अहिले नै के कारणले रेल ठोक्किए भनी बताउनु चाँडो हुने तर कोही पनि गम्भीर घाइते भने नभएको बताएका छन् ।
स्थानीय वारुण यन्त्र कार्यालयले दुवै रेलबाट १०० भन्दा बढी यात्रुलाई उद्दार गरिएको बताएका छन् ।
