चुनाव गराउने कम्पनीका कारण चुनाव सार्नुपर्यो: एनआरएनए युके निर्वाचन समिति

लण्डन । एनआरएनए युकेको आज हुनुपर्ने निर्वाचन निर्वाचन सम्पन्न गर्ने कम्पनीले समय अपुग भएका कारणले दुईदिन स्थगित गर्नुपरेको निर्वाचन समितिले प्रष्ट पारेको छ ।

निर्वाचन समितिले अनलाइनबाट निर्वाचन सम्पन्न गर्न च्वाइस भोटिङ भन्ने ब्रिटिश कम्पनीलाई ठेक्का दिएको थियो । तर सो कम्पनीले शनिबार निर्वाचन सम्पन्न गर्न समय अपुग भएको भनेकाले दुई दिन निर्वाचन सार्नु परेको प्रमुख निर्वाचन आयुक्त महेन्द्रराज कँडेलले बताए ।

निर्वाचन समितिले शुक्रबार साँझ जारी गरेको विज्ञप्तिमा भने निर्वाचन कसरी हुन्छ भन्ने बारेमा मतदातालाई बुझाउन समय अपुग भएकाले निर्वाचनको मिति सार्नु परेको बताएको थियो ।