प्रधानमन्त्री ओली संसदमा विश्वासको मत पाउन असफल

लण्डन । प्रधानमन्त्री केपी शर्मा ओली प्रतिनिधिसभाबाट विश्वासको मत पाउन असफल भएका छन् ।

प्रधानमन्त्री ओलीले नेपालको संविधानको धारा १०० को उपधारा १ बमोजिम विश्वास मत लिन संसदमा प्रस्ताव गरेका थिए । सो अनुसार आज बसेको बैठकमा सो प्रस्ताव निर्णयार्थ प्रस्तुत गरिँदा सरकारको पक्षमा ९३ मत, सो प्रस्तावको विपक्षमा १२४ मत र मत दिन्न भन्नेमा १५ मत परेको थियो ।

मत विभाजनअनुसार प्रधानमन्त्री ओलीको प्रस्ताव असफल भएको घोषणा सभामुख अग्नी सापकोटाले गरेका थिए ।

यसअघि बैठकमा प्रधानमन्त्री तथा शीर्ष नेताहरुले सम्बोधन गरेका थिए ।