लण्डन । विश्वकै महान् फुटबल खेलाडी डियगो म्याराडोनाको ६० वर्षको उमेरमा आज निधन भएको छ।
उनको अर्जेन्टिनस्थित घरमै हृदयघातका कारण निधन भएको हो।
यसअघि मस्तिष्कसम्बन्धी समस्याबाट उनी बिरामी थिए। उनी मस्तिष्कमा ब्लट क्लट सर्जरीपछि दुई हप्ताअघि मात्रै अस्पतालबाट डिस्चार्ज भएका थिए।
म्याराडोनाको कप्तानीमा अर्जेन्टिनाले १९८६ को विश्वकप जितेको थियो। उनले अर्जेन्टिनाको राष्ट्रिय टोलीमा रहेर चारवटा विश्वकप खेलेका थिए ।
उनले अर्जेन्टिनाको राष्ट्रिय टोलीबाट खेलेका ३४ खेलमा ९१ गोल गरेका थिए ।
उनी वार्षिलोना र नेपोलीमा आवद्ध भई क्लव फुटबल खेलेका थिए ।
उनले सन् १९९७मा फुटबल खेलबाट सन्यास लिएका थिए ।
उनी त्यसपछि फुटबल प्रशिक्षणमा लागेका थिए । उनले अर्जेन्टिनाको राष्ट्रिय टोलीको प्रशिक्षकको जिम्मेवारी पनि लिएका थिए ।
