लण्डनमा प्रहरी चौकीमै गोली प्रहार गरी प्रहरी अधिकृतको हत्या

लण्डन । लण्डनको क्रोयडनस्थित प्रहरी चौकीमै शुक्रबार दिउँसो एक प्रहरी अधिकृतको गोली हानी हत्या भएको छ ।

बीबीसीका अनुसार अभियुक्तले प्रहरी अधिकृतलाई हत्या गरी आफैँलाई गोली हानेका थिए ।

अभियुक्तलाई प्रहरीको सवारीसाधनमा हाली कस्टडीमा ल्याइएको थियो र उनलाई कोरोनाका बारेमा सोधपुछ गरिँदै गर्दा गोली चलेको थियो ।

घटनामा घाइते २३ वर्षीय अभियुक्तको अस्पतालमा उपचार भइरहेको बताइएको छ ।

घटनाको इन्डिपेण्टेण्ट अफिस फर पुलिस कन्डक्टले अनुसन्धान शुरु गरेको छ ।

घटनामा मारिएका प्रहरी अधिकृत सेवा निवृत्त हुन केही साता मात्र बाँकी रहेको बुझिएको छ । उनी ५४ वर्षीय सार्जेन्ट म्याट राटाना भएको पुष्टी भएको छ ।

घटनामा प्रहरीले गोली नचलाएको र अभियुक्तलाई प्रतिआतंकवाद प्रहरी सेलका प्रहरी अधिकारीहरुले पहिल्यैदेखि चिनेको बताइएको छ ।

इन्डिपेण्टेण्ट अफिस फर पुलिस कन्डक्टले अभियुक्तलाई क्लास बी प्रकृतिको लागूओैषधसहित पक्राउउ गरिएको थियो । हत्कडी लगाइएको अवस्थामा अभियुक्तले रिभल्वर प्रयोग गरेको प्रारम्भिक अनुसन्धानले देखाएको छ ।

लण्डन प्रहरीले हत्याको अनुसन्धान शुरु गरेको छ ।

दिव‌ंगत प्रहरी अधिकृतप्रति बेलायती प्रधानमन्त्री बोरिस जोन्सन, लण्डन मेयर सादिक खान, लण्डन प्रहरी प्रमुख क्रेसिडा डिकलगायतले शोक व्यक्त गरेका छन् ।