काठमाडौँ । कोरोना संक्रमणबाट बाजुराकी दुई वर्षीया बालिकाको मृत्यु भएको छ ।
स्थानीय क्वारेन्टाइनमा बसेकी बालिकाको काेराेना भाइरसका कारणले मृत्यु भएको स्वास्थ्य तथा जनसंख्या मन्त्रालयले जनाएको छ ।
बुढीगङ्गा नगरपालिका–१ घर भएकी उनी आमाबुबासँगै आठ दिनअघि भारतबाट नेपाल प्रवेश गरेकी थिइन् । भारतबाट फर्किने क्रममा बालिकालाई ज्वरो आउने, बान्ता हुने समस्या देखिएको बताइएको छ ।
उनको मृत्युसँगै नेपालमा कोरोना सङ्क्रमणका कारण मृत्यु हुनेको सङ्ख्या आठ पुगेको छ ।
यसैगरी पछिल्लो समयमा गरिएको परीक्षणमा थप १५५ जनामा कोरोना सङ्क्रमण पुष्टि भएको छ । नेपालमा सङ्क्रमित सङ्ख्या १५६७ पुगेको स्वास्थ्य तथा जनसङ्ख्या मन्त्रालयले जानकारी दिएको छ ।
यसरी संक्रमित हुनेमा सप्तरीमा १२, कैलालीमा ३, बाजुरामा ३, झापामा ४, मोरङमा १, धनुषामा २१, कपिलवस्तुमा ४, रौतहटमा २९, सर्लाहीमा १० रहेका छन् ।
त्यसैगरी, तनहुँमा १, स्याङ्जामा २, पर्सामा ५, कालिकोटमा १८, दैलखमा १८, सल्यानमा २५ रहेका छन् । थप संक्रमितमा १६२ पुरुष र ४ महिला रहेका छन् ।
मन्त्रालयका अनुसार क्वारेन्टाइनमा एक लाख १९ हजार १९२ रहेका छन् । आइसोलेसनमा १ हजार ३४९ रहेका छन् भने २२० जना डिस्चार्ज भएका छन् ।
