कि त मलाई
त्यो मेरा सुन्दर सपनाहरूको
महल बनाई देऊ,
कि त मेरा सारा इच्छाहरूलाई
फिर्ता गराई देऊ।
मैले तिमीलाई बास दिएँ
गाँस दिएँ
र तिम्रो सुन्दर सपनाहरुलाई
मेरो दिलमा सजाई दिएँ
बदलामा तिरस्कारको उपहार दियौ ।
तिम्रो जीवनको अनगिन्ती घुम्तीहरूमा
उतार-चढावका लडाइँहरुमा
ज्यानको बाजी थापेर
तिम्रै निम्ती योद्धा बनेर
के के मात्र गरिन होला ?
प्रिय !
बचाऊ बचाऊ भन्दै
त्यो सुनसान अन्धकार रातमा
तिम्रो चिच्याई र पुकार सुनेर…
तिम्रै लागि प्रशान्त महासागर
बनेर उर्ली दिएँ।
तर
त्यो खोला पारिको बूढो रूखझैं
सधैं बिरानो नसम्झ
म त तिम्रै छायाॅ बनेर पछ्याई रहेछु
बादल पारिको क्षितिज बनेर
नहेरी देऊ।
बेलायत
