आइतबार, साउन २५ २०७७ | Sun, August 09, 2020
नेपालको समय: ११:२० | UK Time: 06:35

क्षितिज बनेर नहेरी देऊ

कविता

अग्नी प्रसाद केदेम लिम्बू
२०७७ जेठ १५ गते १६:३३

 

कि त मलाई

त्यो मेरा सुन्दर सपनाहरूको

महल बनाई देऊ,

कि त मेरा सारा इच्छाहरूलाई

फिर्ता गराई देऊ।

 

मैले तिमीलाई बास दिएँ

गाँस दिएँ

र तिम्रो सुन्दर सपनाहरुलाई

मेरो दिलमा सजाई दिएँ

बदलामा तिरस्कारको उपहार दियौ ।

 

तिम्रो जीवनको अनगिन्ती घुम्तीहरूमा

उतार-चढावका लडाइँहरुमा

ज्यानको बाजी थापेर

तिम्रै निम्ती योद्धा बनेर

के के मात्र गरिन होला ?

 

प्रिय !

बचाऊ बचाऊ भन्दै

त्यो सुनसान अन्धकार रातमा

तिम्रो चिच्याई र पुकार सुनेर…

तिम्रै लागि प्रशान्त महासागर

बनेर उर्ली दिएँ।

 

तर

त्यो खोला पारिको बूढो रूखझैं

सधैं बिरानो नसम्झ

म त तिम्रै छायाॅ बनेर पछ्याई रहेछु

बादल पारिको क्षितिज बनेर

नहेरी देऊ।

 

बेलायत

प्रतिक्रिया

सम्बन्धित सामाग्री

फेसबुक