नेपालमा हालसम्मकै धेरै कोरोना संक्रमित भेटिए आज

काठमाडौँ । नेपालमा हालसम्मको सबैभन्दा धेरै संक्रमण देखिएको छ ।

स्वास्थ्य तथा जनसंख्या मन्त्रालयका अनुसार पीसीआर विधिबाट गरिएको कोरोना परीक्षणमा थप ११४ जनामा कोरोना सङ्क्रमण पुष्टि भएको छ ।

यससँगे नेपालमा सङ्क्रमित सङ्ख्या ८८६ पुगेको मन्त्रालयका प्रवक्ता डा. विकास देवकोटाले जानकारी दिए ।

उनका अनुसार रौतहटमा ३५, झापामा १७, सुर्खेतमा १५, , दाङमा १५, सप्तरीमा ११, बारामा ८ बागलुङमा ६, रुकुम पूर्वमा ३, सिरहामा २ र मकवानपुरमा १ जनामा स्ंक्रमण पुष्टि भएको हो ।

त्यसैगरी, थप २८ जना आज डिस्चार्ज भएका छन् । संक्रमितहरुमा डेढ वर्षदेखि ६२ जना उमेर समूहका रहेका छन् ।

हालसम्म निको भएर डिस्चार्ज हुनेको संख्या १८३ पुगेको छ ।

अहिलेसम्म ६९९ जनाकाे विभिन्न अस्पतालकाे आइसोलेसनमा रहेर उपचार भइरहेकाे छ भने मृतक सङ्ख्या चार पुगेकाे छ ।