संविधान संशोधन गर्न काँग्रेसले थप समय माग्यो

काठमाडौँ । संविधान संशोधनको विषयमा थप छलफल गर्नका लागि नेपाली काँग्रेसले सरकारसँग माग गरेको छ ।

प्रधानमन्त्री केपी शर्मा ओलीले संविधान संशोधनको विषयमा राष्ट्रिय सहमति बनाउनका लागि आज सर्वदलीय बैठकको बाेलाएका थिए । सो बैठकमा नेपाली काँग्रेसले त्यसको बारेमा थप अध्ययन गर्नुपर्ने भएकाले समय माग गरेको नेकपाका स्थायी समिति सदस्य एवं परराष्ट्रमन्त्री प्रदीप ज्ञवालीले बताए ।
जनता समाजवादी पार्टीले पनि संविधान संशोधन प्याकेजमै गर्ने कुरा उठाएको थियो । जसपा नेपालको तर्फबाट बोल्दै महन्थ ठाकुरले नक्साको बारेमा संविधान संशोधन हुन लागेको छ त्यसमा आफूहरूको कुनै अपत्ति छैन तर त्योसँगै आफूहरूले विगतदेखि उठाउँदै आएको माग समेटदै प्याकेजमै संविधान संशोधन हुनेपर्ने कुरा राखेका थिए ।

बैठकमा राष्ट्रिय दलका शीर्ष नेताहरूको सहभागी हुनुको सार्थ पूर्व प्रधानमन्त्रीहरूको पनि उपस्थिति थियो ।