नेपालमा कोरोना संक्रमित ७७२ पुगे

काठमाडौं । नेपालमा कोरोना संक्रमितको संख्या ७७२ पुगेको छ ।

स्वास्थ्य तथा जनसंख्या मन्त्रालयमा आज आयोजित पत्रकार सम्मेलनमा मन्त्रालयका प्रवक्ता डा विकास देवकोटाले सो जानकारी दिएका हुन् ।

उनका अनुसार देशका विभिन्न प्रयोगशालाहरुमा गरिएको परीक्षणमा पछिल्लो पटक ९० जना कोरोना संक्रमित थपिएका हुन् ।

उनले विगत ११ देखि १६ दिनमा भर्ना भएकामध्ये ४३ जना कोरोना संक्रमित नारायणी अस्पतालबाट डिस्चार्ज भएको पनि जानकारी दिए ।

यो संख्यासँगै नेपालमा १५५ जना कोरोना संक्रमणबाट सन्चो भएका छन् ।