पाकिस्तानमा विमान दुर्घटनामा १०७ को मृत्यु

एजेन्सी । पाकिस्तानको लाहोरबाट कराँचीतर्फ उडेको विमान कराँचीमा दुर्घटना हुँदा सबैकाे मृत्यु भएको छ ।

यात्रुवाहक हवाइजहाज दुर्घटना हुँदा कम्तिमा ९९ जनाको मृत्यु भएको छ । अन्तर्राष्ट्रिय सञ्चारमाध्यमहरुका अनुसार पाकिस्तानको कराँचीबाट उडान भरेको पाकिस्तान अन्तर्राष्ट्रिय वायुसेवाको एयरबस ए ३२० प्राबिधिक त्रुटीको कारणले दुर्घटनाग्रस्त भएको हो ।
पाकिस्तानका वायुसेवा निगमका प्रवक्ता अब्दुल्लाह खानले सीएनएनसँगको कुराकानीमा विमान दुर्घटना हुनुअघि चालकले प्राविधिक त्रुटीबारे जानकारी गराएको बताए । विमान कराँचीको आवासीय क्षेत्रभित्र दुर्घटना भएको छ । पाकिस्तानमा दुई महिनाको लकडाउनपछि गत साता मात्रै घरेलु उडान सुरु भएको थियो । पाकिस्तानको लाहोरबाट उडान भरेको विमानमा ९९ यात्रु र नौ जना चालक दलका सदस्य सवार थिए ।