काठमाडौं । गैरआवासीय नेपाली संघ (एनआरएनए) राष्ट्रिय समन्वय परिषद (एनसीसीं) चीन, दक्षिण कोरिया र मकाउको सहयोग स्वरुप प्राप्त स्वास्थ्य सुरक्षा उपकरण नेपाल सरकार स्वास्थ्य तथा जनसंख्या मन्त्रालयलाई हस्तान्तरण गरिएको छ।
२१ मे बिहीबार एनआरएनए एनसीसी चीन, दक्षिण कोरिया र मकाउको सहयोग स्वास्थ्य सुरक्षा सम्बन्धि उपकरणहरु नेपाल सरकार स्वास्थ्य तथा जनसंख्या मन्त्रालयलाई हस्तान्तरण गरिएको हो । उक्त समारोहमा संघका उपाध्यक्ष सोनाम लामाले हस्तान्तरण गरेका सामग्रीहरु स्वास्थ्य सेवा विभाग व्यवस्थापन महाशाखका महानिर्देशक महेन्द्र श्रेष्ठ ग्रहण गरेका थिए । प्राप्त सहयोगहरुमा केएन नाइन्टी फाइव मास्क १२००० थान, शु-कभर, २००० थान, चश्मा २००० थान र आइआर थर्मामिटर १९० थान थिए।
समारोहमा स्वास्थ्य सेवा विभाग व्यवस्थापन महाशाखका शाखा अधिकृत केदार उप्रेती, गैरआवासीय नेपाली संघ सचिवालयका कार्यकारी निर्देशक राजेश राणा र सहायक कार्यक्रम अधिकृत कुनाल मिश्राको सहभागीता रहेको थियो।
संघका उपाध्यक्ष सोनाम लामाले स्वास्थ्य सुरक्षा सम्बन्धी उपकरण उपलब्ध गराई सहयोग गरेकोमा गैरआवासीय नेपाली संघ राष्ट्रिय समन्वय परिषद् चीन, दक्षिणकारिया र मकाउ प्रति हार्दिक आभार प्रकट गरे ।
