एनआरएनए युके सल्लाहकार पन्तको निधन

 

लण्डन । गैरआवासीय नेपाली संघ (एनआरएएनए) युके सल्लाहकार तथा नेपाल इन्जिनियर्स एसोसिएसन युके सेन्टरका संस्थापक सल्लाहकार इन्जिनियर केदार पन्तको निधन भएको छ ।

ग्रीनफोर्ड लण्डनस्थित निवासमै शनिबार अस्वस्थ महसुस गरेपछि पन्तलाई एम्बुलेन्स बोलाएर इलिङ अस्पताल लगिएकोमा चिकित्सकले उनलाई मृत घोषित गरेका थिए ।

पन्तको मृत्युको हृदयघातबाट भएको आशंका गरिएको छ । पन्तको मृत्युको कारण कोरोना हो कि होइन भन्ने तीन दिनपछि मात्र पत्ता लाग्ने छ । उनलाई र्मिगौलासम्बन्धी समस्या रहेको बताइएको छ ।

लम्जुङ्गका पन्त लामो समयदेखि लण्डनमा बस्दै आएका थिए ।
नेपाल इन्जिनियर्स एसोसिएसन (एनईए) युके केन्द्रका अध्यक्ष तथा एनआरएनए युकेका कोषाध्यक्ष इन्जिनियर तेजेन्द्र रोकाका अनुसार पन्त विगत १० दिनदेखि घरबाटै आइसोसनमा बस्दै काम गर्दै आएका थिए ।

५९ वर्षीय पन्त निर्माण परिकल्पनाकारका रुपमा काम गर्दै आएका थिए ।

पन्तको निधनप्रति नेपाल इन्जिनियर्स एसोसिएशन (एनइए) युके केन्द्रले गहिरो शोक व्यक्त गरेको छ । उनका श्रीमती र एक छोरा छन् । छोरा पनि इन्जिनियर हुन् ।