शुक्रबार, फागुन १६ २०७६ | Fri, February 28, 2020
नेपालको समय: ११:५३ | UK Time: 06:08

बेलायत बसेर मातृभूमिको सेवामा तल्लीन जोडी

विनेपाली
२०७६ माघ १५ गते १२:०१

लन्डन । बेलायतको व्यस्तता उल्लेख गरिरहन आवश्यक छैन् । पारिवारिक, सामाजिक तथा रोजगारीको जिम्मेवारीले भ्याइनभ्याइ छ बेलायती जीवनशैली । यस्तो व्यस्ततामा पनि मातृभूमिको सेवामा तल्लीन छ राजकुमार (राजु) र श्रीमति शान्ति सुनारको जोडी ।

लमजुङ भोटेओडार निवासी नेपाली कांग्रेसका नेता एवं वरिष्ठ समाजसेवी स्वर्गीय पूर्णबहादुर सुनारका सुपुत्र राजकुमार आफ्नो बुवाको प्रेरणाबाट सामाजिक काममा अगाडि बढिरहेका छन् ।

राजकुमार लमजुङ सुन्दरबजार नगरपालिका ९ मा अवस्थित श्री भक्ति नमुना माद्यमिक विद्यालयका बीरेन्द्र शिल्ड खेलकुद विजेता विद्यार्थी एवं कप्तान थिए एक ताका । साथै बेलायतमा रहेर हरेक संघ संगठनमा आवद्ध उनी भोटेओडार मरस्याङ्दी समाजको प्रमुख पनि हुन् । तिनै राजकुमार (राजु) र श्रीमती शान्ति सुनारले उक्त विद्यालयमा १, ५३, ००० रुपैयांको अक्षयकोष स्थापना गरिदिएका छन् ।

उनीहरुले श्री भक्ति नमुना माद्यमिक विद्यालयको स्वर्ण महोत्सव समापन वर्ष २०७५ को पावन अवसरमा अपांग, असहाय र पिछडिएका विद्यार्थीको शिक्षाका लागि अक्षयकोष स्थापना 
गर्ने निर्णयका साथ रु १५३००० स्कुल ब्यवस्थापन समितिलाई प्रदान गरेका हुन् ।

‘उक्त विद्यालयबाट मेरो पूजनीय आमा कृष्ण कुमारी सम्मानित भएकामा मलाई राम्रो काम गर्ने थप हौसला मिलेको छ’, राजकुमार भन्छन्, ‘हाम्रा आदर्श जन्म र कर्मदाता अनि पितृ हजुरबाबा आमा, सासु ससुरा र वरिष्ठ समाजसेवी स्वर्गीय बाबा पूर्णबहादुर सुनारको नाममा स्थापित अक्षयकोष भविष्यमा अझ वृद्धि गर्ने सोच हाम्रो छ ।’

प्रतिक्रिया

सम्बन्धित सामाग्री

फेसबुक