बुधबार, फागुन १४ २०७६ | Wed, February 26, 2020
नेपालको समय: १२:४० | UK Time: 06:55

एनआरएनए यूकेको राज्य समन्वय विभाग बिस्तार

विनेपाली
२०७६ माघ १० गते २०:०२

लन्डन । गैर आवासीय नेपाली संघ (एनआरएनए) यूकेको राज्य समन्वय विभाग बिस्तार भएको छ । विभागका संयोजक एवम एनआरएनए यूके सचिव कोशलेश्वर (कृष्ण) ढकालले बेलायतका ४ वटै राज्य र सबै क्षेत्रका प्रतिनिधि समेटेर विभागलाई पूर्णता दिइएको बताए ।   

विभागमा एक सदस्यसचिव, ९ सदस्य र ६ सल्लाहकार मनोनित भएका छन् । सदस्यसचिवको जिम्मेवारी तारा लम्सालले पाएका छन् ।  सदस्यमा कृष्ण देवकोटा (स्कट्ल्यान्ड), लीला न्यूरे (नर्दन आयरल्यान्ड), शिवराज पन्थ (लिभरपुल), बलराम अधिकारी (वेल्स), श्रद्धा थापा (साउथ इष्ट), केशरी क्षेत्री (डर्बी), भोजराज कंडेल (चार्ल्टन) र अन्जना थापा (साउथ इष्ट) छन्   

त्यसैगरी, विभागको सल्लाहकारहरुमा राम गलामी, तिलक भट्टराई, अर्जुन गौतम, काशीराम भन्डारी, लाल थापा र ललितकुमार न्यौपाने मनोनित भएका छन् ।  

संयोजक ढकालले अब छिट्टै विभागले कार्ययोजना तय गरी अघि बढ्ने योजना सुनाए । आगामी २ वर्षमा बेलायतका चारै राज्यमा विभागको आयोजनामा एक-एक कार्यक्रम गर्ने ढकालको योजना छ ।

प्रतिक्रिया

सम्बन्धित सामाग्री

फेसबुक