क्यान्सर पीडित नेपाली बालबालिकाका लागि ८ हजार पाउण्ड संकलन

लन्डन । लिभरपुल नेपलिज कम्युनिटीले क्यान्सर पीडित नेपाली बालबालिकाका लागि ८ हजार पाउण्ड संकलन गरेको छ । उक्त रकम कान्ति बाल अस्पताललाई सहयोग गरिरहेको च्यारिटी संस्था ‘सो द चाइल्ड मे लिभ’ लाई दिइने कम्युनिटीका पूर्व अध्यक्ष शम्भु आचार्यले जनाए । बेलायत सरकारले संकलित रकम जति नै थपिदिएर यो रकम दोब्बर हुनेछ । संकलित रकम आज बुधबार लिभरपुल मेयरमार्फत हस्तान्तरण गरिएको आचार्यले जनाए । कम्युनिटीले सहयोगदाता सबैप्रति आभार व्यक्त गरेको छ ।

लिभरपुलस्थित ‘अल्डर हे बाल अस्पताल’ मा कार्यरत नर्सहरुको सक्रियतामा स्थापित ‘सो द चाइल्ड मे लिभ’ ले नेपालका क्यान्सर पीडित बालबालिकाको मृत्युदर घटाउन आवश्यक सामाग्री तथा उपचारका लागि अर्थ संकलन अभियान गरिरहेको छ ।