आइतबार, माघ १२ २०७६ | Sun, January 26, 2020
नेपालको समय: १०:३७ | UK Time: 04:52

एनआरएन निर्वाचनमा भएका अनियमितता छानबिन गर्न माग

विनेपाली
२०७६ पुष २७ गते १३:४३

जानकी गुरुङ

लन्डन । गैर आवासीय नेपाली संघकी निवर्तमान सचिव जानकी गुरुङले गत अक्टोबर महिनामा काठमाडौँमा सम्पन्न संघ को नवौं विश्व महाधिवेशनमा नयाँ नेतृत्व चयन गर्न भएको निर्वाचनमा भएका भनिएका अनियमितताहरुको तत्काल छानबिन गर्न माग गरेकी छिन् ।

एक विज्ञप्ति  प्रकाशित गर्दै श्रीमती गुरुङले साधारणसभाबाट अनुमोदित नभएको  महासचिव र कोषाध्यक्षको प्रतिवेदनलाई विशेष साधारणसभा बोलाइ छलफल चलाउन पनि माग गरेकी छन्।

उनले संस्थालाई विधानसम्मत संस्थागत नगरी वैधानिक नहुने हो भने कुनै पनि निर्णयहरु मान्य नहुने चेतावनी पनि दिएकी छिन् ।

गत साता गैर आवासीय नेपाली संघका निवर्तमान उपाध्यक्ष कुल आचार्यले पनि लन्डनमा पत्रकारहरुसंग अन्तरक्रिया गर्दे तत्काल विशेष अधिवेशन बोलाउन माग गरेका थिए ।

उनले नवौं विश्व सम्मेलनमा आर्थिक प्रतिवेदन पारित नहुनु संस्थाकै लागि दुर्भाग्यपूर्ण भन्दै यसले संस्थाको गरिमामाथि नकारात्मक असर परेको जनाएका थिए ।

 श्रीमती जानकी गुरुङद्वारा प्रकाशित वक्तव्य जस्ताको तस्तै

गैरआवासीय  नेपाली संघको नवौं विश्व महाधिवेशन आँशिक रूपमा सम्पन्न भएको तीन महिना पुग्न लागेको छ । संस्थाको गरिमा र साखमाथि थप आँच आउन नदिन संयम अपनाइ निर्बाचनको मत परिणाम एकतर्फी रुपमा घोषणा गरिएकोमा पनि तटस्थ रहंदै विधान विपरित गरिएका गम्भीर त्रुटिहरुलाई सच्याउंदै लैजानेमा आशावादी थियौं । तर यतिका समय बितिसके पछि पनि नेत्रित्वमा रहनेहरुबाट संस्थाको वैधानिक पाटाहरु, महाधिवेशनका मुलभूत थाति राखिएका पक्षहरुको सम्बोधन र परिपूर्तितर्फ गैर जिम्मेवार रहेको पाइएकोले देहायका बिषयहरु उपर अविलम्व निर्णयमा पुग्न यो बिज्ञप्तीमार्फत ध्यानाकर्षण गराउन चाहन्छु  ।

१. निर्वाचन समिति उपर गरिएका सबै उजुरीहरुको छानबिन र निर्णय सार्वजनिक  गरियोस् ।

२. महासचिव र कोषाध्यक्षको साधारणसभाबाट अनुमोदित नभएको प्रतिवेदनलाई त्यसबेला पछि विशेष समिति बनाई पारित गर्ने भनिएकोमा विशेष समिति हैन, विशेष साधारणसभा बोलाई छलफल चलाईयोस् ।

३. संस्थाले सँरचनागतरूपमा गर्दै आएका काम र प्रगतिको निरन्तरता दिन र अनावश्यक  रूपमा हरेक क्षेत्रमा फेरबदल तुरून्त रोकियोस् ।

उपरोक्त विषयहरु माथि सम्बन्धित पक्षले अविलम्व  सम्बोधन गरी आगामी कार्यक्रम सार्वजनिक गरियोस र सबैको साझा संघ महशुस गर्ने गराउने वातावरण तयार गरियोस् । संस्थालाई यदि विधानसम्मत संस्थागत नगरी वैधानिक नहुने हो भने कुनै पनि निर्णयहरु मान्य नहुने पनि यसै विज्ञप्तिमार्फत जानकारी गराउन चाहन्छु । धन्यवाद

जानकी गुरुङ

निवर्तमान सचिव

गैरआवासीय नेपाली संघ

मिति: १२  जनवरी २०२०, बेल्जियम ।

नोट:

निर्वाचन सम्बन्धमा भएका अनिमियतता सम्बन्धमा परेका ऊजुरीहरू र हामीले पाएका केही प्रमाणहरू यसै विज्ञप्तीसंगै संलग्न गरिएको छ ।

1. डेलीगेट दर्ता सम्बन्धमा निर्वाचन आयुक्त मार्फत गरीएका पक्षपाती व्यवहारविरूद्ध निर्वाचनमा भाग लिन आएका डेलीगेटहरूको सामूहिक दावी विरोधको दर्ता नम्बर

2. निर्वाचन आयुक्तलाई मत गणनाको परिचय पत्र ‘रिभ्यालिडेट’ गरी पुन: मत गणना गरी पाऊ भनि घोषणा अगावै अध्यक्षका प्रत्यासी, महासचिवका प्रत्यासी र उपाध्यक्षका प्रत्यासीले सामूहिक रुपमा पठाएको निवेदनको प्रति

3. संघको विश्व संमेलन तथा कार्यसमितीको निर्वाचन सम्बन्धि अनयमितताको कारण सम्पूर्ण प्रकृया स्थगन गरी पाऊं भनि हालेको निवेदन

4. पहिलो पटक निर्वाचनको लागी निकालिएको voter list र पछी फेरी आयुक्तबाट आएको voter list

 

प्रतिक्रिया

सम्बन्धित सामाग्री

फेसबुक