सुनिलबाबु खड्का
लन्डन । गैरआवासीय नेपाली संघ बेलायत (एनआरएनए यूके) च्यारिटी विभाग विस्तार भएको छ । एनआरएनए यूके उपाध्यक्ष एवं च्यारिटी विभागका संयोजक सुनिलबाबु खड्काले सदस्य सचिव, सदस्य र सल्लाहकारहरु मनोनित गर्दै पूर्णता दिएपछि विभाग कुल १८ सदस्यीय भएको हो ।
विभागमा रातोपाटीका बेलायत संवाददाता नरेन्द्र बस्नेतलाई सदस्य सचिवको जिम्मेवारी दिइएको छ भने हेम गुरुङ, खेमराज जोशी, देव तामाङ, दिपक खड्का, भिमसेन खड्का, रुपेश राउत, बल्लभ गुरुङ, माया केसी र प्रतिमा जोशी सदस्य मनोनित भएका छन् ।
त्यसैगरी विभागको सल्लाहकारमा रिटायर्ड मेजर कृष्ण गुरुङ, आशबहादुर गुरुङ, बिक्रम भट्टराई, रमेश बास्तोला, नारायण फुंयाल, कुमार केसी र शंकर भण्डारीलाई मनोनित गरिएको छ ।
संयोजक खड्काले विभाग विस्तारपछि आफ्नो जिम्मेवारी वहन गर्न थप बल पुग्ने आशा व्यक्त गरेका छन् । उनले यसै वर्ष बेलायतमा भव्य च्यारिटी कार्यक्रम गर्ने योजना बनाइएको पनि बताए ।
