लण्डन । गैरआवासीय नेपाली संघ (एनआरएनए) ले विश्वभर छरिएका नेपाली समुदायसँग प्रत्यक्ष संवाद कार्यक्रम गर्ने भएको छ ।
एनआरएनएलाई उत्तरदायी, पारदर्शी र जवाफदेही बनाउन सो कार्यक्रम संचालन गर्न लागिएको संघका महासचिव डा. हेमराज शर्माले जनाए । संघका हरेक गतिविधि विश्वभर छरिएका रहेका नेपालीमाझ पुरयाउने उद्देश्यले प्रत्यक्ष संवाद गर्न लागिएको हो ।आगामी शनिबार नेपाली समय अनुसार ठीक दिउसो ३.१५ बजे संघको आधिकारिक फेसबुक पेज (
https://www.facebook.com/NRNAOfficial/) बाट शुरु हुने सो संवादमा संघका महासचिव शर्माले विश्वभर छरिएका नेपालीहरुसंग प्रत्यक्ष कुराकानी गर्दै जिज्ञासाको जवाफ दिने छन् ।
कार्यक्रममा जनचासोका विषयमा रहेर संघका सम्बन्धित विभागका प्रमुखसँग प्रत्यक्ष संवादको अवसर मिलाइने जनाइएको छ ।
