एनआरएन मनोनयनमा यूकेबाट महिलालाई पाखा

लन्डन । गैरआवासीय नेपाली संघ (एनआरएनए) 
अन्तर्राष्ट्रिय समन्वय परिषद् (आइसीसी) बैठकले यूकेबाट ९ जना पुरुषलाई मात्र मनोनयन गरेको छ । एनआरएनए यूके अध्यक्ष पुनम गुरुङले खल्तीबाट अपारदर्शी ढंगले गरेको सिफारिसमा महिला परेको दाबी गरिए पनि ९ जना पुरुषले मात्र मनोनयनको ‘टिका’ थापेका छन् । पहिलो पटक महिला अध्यक्ष भएर इतिहास रचेको दाबी गरेकी पुनम गुरुङकै कार्यकालमा आइसीसीमा एक जना पनि महिला नपर्नु बिडम्बना छ ।

गुरुङलाई निर्वाचनमा सहयोग गर्ने चुनावी कमाण्डर 
चन्द्र गुरुङ, एनआरएनए यूके पूर्व अध्यक्ष सूर्य गुरुङ, एनआरएनए यूके पूर्व महासचिवहरु भक्त गुरुङ, रामशरण सिंखडा र कर्ण शाही, रणबहादुर केसी, बिजन भट्ट, बिनोद ज्ञवाली, चिरन शर्मा, (देवराज आचार्य) मनोनयनमा पर्न सफल भए तर पुनमले एक जना महिलाका लागि पनि अडान लिन चाहिनन् ।

यूकेबाट रामशरण सिम्खडा र भक्त गुरुङ गरि दुई जना आइसीसी सदस्य मनोनित भएका छन् । एनआरएनए आइसीसी सदस्य दोरयाउने सिम्खडा एक्ला हुन् । विद्यावारिधि तयारीमा रहेका गुरुङ पहिलो पटक आइसीसी सदस्य भएका छन् । एनआरएनए प्रवक्ता ताकेका सिम्खडाले आइसीसी सदस्यमा सिमित रहनुपरेपछि बिक्षिप्त भएर सामाजिक सञ्जाल फेसबुकमा ‘खाए खा नखाए घीच’ भन्दै स्टाटसमार्फत असन्तुष्टि पोखे जस्तो गरेका छन् । उनलाई सदस्य बाहेक ‘पोलिसी तथा प्रोसिडयूर’ समितिको संयोजक पनि बनाइएको छ ।

सामाजिक सेवामा पदीय जिम्मेवारी नलिई राजीनामा दिने नैतिकता भने उनले देखाएनन् । बरु उनले सामाजिक सञ्जालमा प्रस्तुत विचार विपरित 
आफ्ना निकटलाई आफैंले लेखिदिएको बधाईसहितको स्टाटस राख्न लगाएर बधाइ लिइरहेका छन् । डिबी क्षेत्रीलाई आइसीसी प्रवक्ता नियुक्त गरिएपछि बिरक्तिएर कविता नै कोरेका सिम्खडाले केही समयपछि क्षमा माग्दै कविता हटाएका थिए ।

गत अक्टोबरको आइसीसी निर्वाचनमा कुमार पन्तलाई अध्यक्ष बनाउन सहयोग गरेका 
सिम्खडाले सोमबार बिहान आफ्ना गोजीका केही पत्रकारलाई बुद्धिजिवी मानिने भक्त गुरुङसंग फोटो जोडेर समाचार छाप्न लगाए । गुरुङले आइसीसी सदस्य नियुक्तिलाई सकारात्मक लिएको प्रतिक्रिया दिएका छन् ।

नाम मानार्थ काम शुन्य
बेलायतबाट आइसीसीको सम्भवतः सबैभन्दा भूमिकाबिहीन मानार्थ परिषद सदस्य मनोनयनमा पर्नेमा ६ जना छन् । तिनमा कर्ण शाही, 
रणबहादुर केसी, बिजन भट्ट, बिनोद ज्ञवाली, चन्द्र गुरुङ, (संयोजक गोर्खा) र चिरन शर्मा (देवराज आचार्य) छन् । चिरन शर्मा केन्द्रीय महासचिव डा. हेमराज शर्माका सहोदर भाई हुन् । शर्माको मुख्य काम एनआरएनए केन्द्रबाट सूचना चुहाएर विपक्षी अभियन्ताहरुको चरित्र हत्या गर्ने अनि गाली गलौज गरिएका एकपक्षीय समाचार युरोपतिरका अनलाइनमा पठाउने बाहेक छैन् ।

एनआरएनए यूकेका पूर्व अध्यक्ष सूर्य गुरुङ अनुशासन समितिमा पुगेका छन् । हालसम्म एनआरएनए अनुशासन समितिमार्फत गल्ती गर्नेलाई कारवाही गरिएको उदाहरण छैन् । हेरौं गुरुङले आफ्नो पदीय दायित्व कसरी निर्वाह गर्छन् ।

यसैबीच, एनआरएनए यूकेले एक विज्ञप्तिमार्फत मनोनित सबैलाई बधाई तथा शुभकामना दिएको छ ।