बुधबार, चैत २६ २०७६ | Wed, April 08, 2020
नेपालको समय: १५:१३ | UK Time: 10:28

बेलायतमा चलचित्र ‘शुभलभ’ प्रदर्शनको टुंगो लाग्यो

विनेपाली
२०७६ मंसिर २७ गते २०:४२

लन्डन । बेलायतका विभिन्न शहरमा चलचित्र ‘शुभलभ’ प्रदर्शन हुने भएको छ । हाल बेलायत रहेका निर्देशक सन्तोष लोहनीका अनुसार चलचित्र ‘शुभलभ’ ५ जनवरीमा गोल्डेनसीप रेस्टुरेन्ट साउथ हयारो, १२ तारिख प्लमस्टेड वर्किङ मेन्स क्लब र १८ जनवरी रेडिङको द वेयरहाउसमा प्रदर्शन गरिने भएको हो ।  

‘शुभ लभ’ लोहनीको निर्देशन रहेको दोस्रो चलचित्र हो । यसअघि उनले ‘नारी’ निर्देशन गरेका थिए । महिला कथामा आधारित ‘नारी’ बनाएका लोहनीले ‘शुभ लभ’ भने प्रेमकथामा आधारित रहेर बनाएका छन् ।

‘शुभलभ’ नेपालमा प्रदर्शन भएसंगै अब बेलायतका विभिन्न शहरमा पनि हुने तय भएको हो । बेलायतपछि ‘शुभलभ’ युरोपका विभिन्न देशमा पनि प्रदर्शन गरिने छ ।

निर्देशक सन्तोष लोहनी

बुद्ध इन्टरटेन्मेन्टको ब्यानरमा निर्माण भएको उक्त चलचित्रका निर्माता धर्मराज सुवेदी हुन् । चलचित्रमा हरिहर अधिकारी र नवनायिका कृस्टिन पौडेलको मुख्य भूमिका छ । अग्रज कलाकार सरोज खनाल, राजाराम पौडेल, राजा राजेन्द्र, रविन्द्र झा, प्रदिप बास्तोला, अनुज पाण्डे, सूर्या थापा पनि मुख्य भूमिकामा छन् । 

प्रेम कथामा आधारित भएपनि चलचित्रमा ‘कमेडी’ खुराक पर्याप्त भएकाले दर्शकले भरपुर आनन्द लिन सक्ने निर्देशक लोहनीको विश्वास छ । हिमाल, तातोपानी कुण्ड, गौतम बुद्धको जन्मस्थल लुम्बिनी, देवघाट, पोखरालगायत देशका विभिन्न मनोरम स्थलमा फिल्म सुटिङ भएकाले यसले पर्यटक पनि तान्‍ने निर्देशक लोहनीको भनाइ छ ।

प्रतिक्रिया

सम्बन्धित सामाग्री

फेसबुक